Zuchu Nyimbo Mpya - Download Mp3, Video & Wasifu | SoundFlava

Zuchu, au jina lake kamili Zuhura Othman Soud, ni kama malkia wa muziki wa kizazi kipya huko Afrika Mashariki. Ukitaja Tanzania, lazima jina lake litatokea kwenye playlist ya watu wengi. Alizaliwa Zanzibar tarehe 22 Novemba 1993, halafu maisha yakamchukua hadi Dar es Salaam—ndiyo makao yake siku hizi.

Kitu cha kufurahisha ni kwamba damu ya muziki kwake si ya bahati mbaya. Mama ake, Khadija Kopa, ni “legend” wa taarab. Baba naye, Othman Soud, hakuwa nyuma—aliandika nyimbo kali kwa TOT Band enzi hizo. Yani, Zuchu alizaliwa kwenye studio, si mchezo.

Alianza kuonyesha mapenzi ya muziki mapema sana.
Kama bado hujasikia wimbo wa “Mauzauza” aliouimba na mama yake kwenye EP yake ya kwanza (“I am Zuchu”), basi umepitwa na mengi!
2015 ilikuwa mwaka wake wa kujaribu bahati kimataifa, alivyoshiriki kwenye Tecno Own The Stage pale Lagos, Nigeria, akiweka Tanzania kwenye ramani pamoja na Nandy.

Lakini, aisee, mafanikio yake yamekuja kwa kasi ya mwanga. Mwaka 2020, ndani ya wiki moja tu, alipata subscribers laki moja YouTube—hiyo si kawaida. Akaibuka na Silver Plaque, akawa msanii wa kwanza wa kike Afrika Mashariki kufika hapo kwa spidi hiyo. Mambo hayakuishia hapo: ndani ya miezi kumi na moja, akachapa subscribers milioni moja. Yani, kama ulikuwa unamchukulia poa, pole yako. Huyu binti ni moto wa kuotea mbali, na online presence yake inazidi kukua kila kukicha.